गजल

आशा घुमी फिरीकन आउँछ
उषा चुमी चुमीकन रसाउँछ

वसन्त ऋतुमा फूल फूलेर
जिन्दगीमा बहार ल्याउँछ

गजल

आफ्नो परिवार फूट्दा , कस्तो लाग्छ होला
एउटी नारी लुट्दा , कस्तो लाग्छ होला

के विराम थियो र , कसैमाथि अन्याय गर्दै
अवला माथि उठ्दा , कस्तो लाग्छ होला

गजल

प्रत्येक सीमाका किल्लाहरू , हराउँदै छन्
प्रत्येक नेपालीले माटो , विराउँदै छन्

निरीह माटो छट्पटाउँदा , हेरिरहे मात्र
कमजोरी था भएरै होला , पिराउँदै छन्

गजल

भँवरालाई देख्नै हुन्न रे फूल वैशाखमा
जब सुवाश लुटिन्छ हुन्छ भूल वैशाखमा

सन्देश पठाइ – पठाइ किन बोलाउँछयौ ?
लामखुट्टे आउँदैन पर्दैन झूल वैशाखमा

गजल

झ्याप्पै भेट भो के के भो

गामबेसी झर्दाझर्दै झ्याप्पै भेट भो के के भो
पाइला अघि सर्दासर्दै झ्याप्पै भेट भो के के भो

म आफ्नै धुनमा थिए तिमि आफ्नै धुनमा
घुम्ती मोद्डामोड्दै झ्याप्प भेट भो के के भो